Адрозьненьні ад арыгінальных „Пасяленцаў Катану“

• Дадатковы від рэсурсаў: Навука (здабываецца ў гарадох)
• Дадатковы від рэсурсаў: Энэргія (здабываецца на электрастанцыях)
• Падзеі: могуць быць як станоўчыя, так і не, у залежнасьці ад ліку і тыпу электрастанцый на стале
• Небясьпека: небясьпекі ў гарадох, мястэчках або электрастанцыях замінаюць гульцам здабываць рэсурсы

Агляд

„Новыя энэргіі“ вельмі падобныя да клясычных „Пасяленцаў Катану“: здабывайце рэсурсы дзеля набыцьця будынкаў, дарог і картак разьвіцьця.

Гульня сканчаецца адным з двух спосабаў:

1. Перамагае гулец, які першым набраў 10 ПП (як у звычайным „Катане“).
2. Скончыўся стос Падзеяў. Перамагае гулец з найлепшым балянсам аднаўляльных/выкапнёвых электрастанцыяў. Калі ніводзін з гульцоў ня мае больш аднаўляльных электрастанцый, чым электрастанцый на выкапнёвым паліве, прайграюць усе.

Хада гульні

Ход гульца падзяляецца на фазы:

Фаза падзеяў

Гулец выцягвае з торбы дыскі падзеяў. Іхняя колькасьць залежыць ад глябальнага стану выкідаў (стан выкідаў — сума ўсіх электрастанцыяў на выкапнёвым і аднаўляльным паліве на стале).

Дыскі раскладаюцца на стале паводле іхніх абразкоў. Калі запоўненыя ўсе абразкі дыскаў, здараецца падзея. Яны маюць розныя эфэкты ў залежнасьці ад стану выкідаў гульца: могуць як блякаваць здабычу, так і даваць/адбіраць рэсурсы альбо выконваць іншыя дзеяньні.

Фаза вытворасьці

Гулец кідае двума цыркамі (як у клясычным „Катане“). Сума на цырках вызначае, якія пліткі прыносяць у гэтым ходзе рэсурсы. Усе гульцы, якія маюць побач з гэтай пліткай мястэчкі (паселішчы), атрымліваюць па 1 рэсурсе. Гульцы, якія маюць побач з пліткай гарады, атрымліваюць 1 рэсурс з пліткі і 1 рэсурс навукі. Электрастанцыі на плітцы і побач з паселішчам/горадам вырабляюць энэргію.

Небясьпекі блякуюць вытворчасьць рэсурсаў. Плітка з Інспэктарам ці Небясьпекай не вырабляе рэсурсы. Паселішча, горад ці электрастанцыя зь Небясьпекай не прыносяць рэсурсаў.

Як і ў „Катане“, калі гулец выкіне 7, гульцы, што маюць больш за 7 рэсурсаў, мусяць скінуць палову зь іх (з акругленьнем у меншы бок). Гулец, які выкінуў 7, перамяшчае Экаінспэктара (рабаўніка) на іншую плітку і скрадае 1 выпадковы рэсурс у гульца, будынак якога мяжуе з гэтай пліткай.

Фаза дзеяньня

Гулец можа выканаць некалькі дзеяньняў (некаторыя паводле правілаў можна спалучаць):

Прапанаваць гандаль

Як і ў „Катане“, можаце прапанаваць гандаль іншым гульцам.

Гандаль з банкам

Як і ў „Катане“, можаце гандляваць з банкам. Стандартны курс — 4 аднолькавыя рэсурсы, альбо 3 навуковыя рэсурсы, альбо 2 энэргіі за 1 любы рэсурс. Пабудова ў порце можа зьменшыць абменны курс для рэсурсаў, акрамя навукі ці энэргіі.

Будаўніцтва

• Дарога: мусяць выходзіць зь мястэчак і каштуюць 1 цэглу & 1 драўніну
• Мястэчка: мусяць быць падлучанымі да дарогі і каштуюць 1 цэглу, 1 драўніну, 1 валакно & 1 ежу
• Горад: будуецца замест мястэчка ды каштуе 3 стылі & 2 ежы
• Электрастанцыя: будуецца побач з паселішчам ці горадам. За ход можна збудаваць толькі 1 электрастанцыю. Электрастанцыі на аднаўляльным паліве каштуюць 3 навукі, на выкапнёвым — 1 навуку.
• Картка разьвіцьця: каштуе 1 ежу, 1 валакно & 1 сталь. Існуюць такія віды картак:
• Будаўніцтва дарогі (×2): Збудаваць 2 дарогі бясплатна.
• Вялікі ўраджай (×2): Узяць 1 картку рэсурсаў з максымум 3 розных плітак, на якіх разьмешчаныя вашыя аднаўляльныя электрастанцыі.
• Навуковы грант (×2): Узяць 2 любыя рэсурсы з банку.
• Пункт перамогі (×5): Атрымаць 1 ПП.
• Ачыстка (×14): Перамясьціць інспэктара або зьняць 1 небясьпеку з дошкі. Скрасьці 1 рэсурс у гульца з большым станам выкідаў, чым ваш (як картка Рыцара ў клясычным „Катане“)

Зьняць небясьпеку

Аддайце 1 энэргію, каб зьняць з дошкі любую Небясьпеку на ваш выбар.

Разбурыць электрастанцыю

Аддайце 1 энэргію, каб разбурыць выкапнёвую электрастанцыю. Гэта зьменшыць ваш стан выкідаў (СВ).

Павялічыць склад

Аддайце 2 энэргіі, каб павялічыць свой ліміт картак рэсурсаў да 10. Калі выпадзе 7, вы скідаеце рэсурсы толькі ў тым выпадку, калі маеце іх больш за 10.

Стан выкідаў

Лякальны (ЛСВ)

Кожны гулец мае лякальны стан выкідаў, складзены зь іхніх будынкаў ды электрастанцыяў.

Будаўніцтва паселішчаў, гарадоў і выкапнёвых электрастанцыяў яго павялічвае.

На вашай гульнявой табліцы будзе паказана, як вылічваецца ЛСВ. Карычневыя пункты [+], атрыманыя пры будаўніцтве мястэчак, гарадоў і выкапнёвых электрастанцыяў, яго павялічваюць. Зялёныя пункты [+], атрыманыя з аднаўляльных электрастанцый, зьмяншаюць.

Глябальны (ГСВ)

Глябальны стан выкідаў — папросту сума лякальных СВ усіх гульцоў. Гэты лік вызначае, колькі дыскаў падзеяў выпадае ў фазе падзеяў (глядзіце адпаведную дошку).