Gaia Project
Праект „Гая“ — новая гульня зь лінейкі „Terra Mystica“. Як і ў арыгінальнай „Містычнай зямлі“, розныя віды плянэтаў насяляюць чатырнаццаць розных расаў, кожная зь якіх мае ўласны тып плянэтаў, а для разьвіцьця і росту мусіць тэрафармаваць суседнія плянэты ў прыдатныя для пражываньня, адначасна спаборнічаючы зь іншымі расамі. Акрамя гэтага, любыя расы могуць калянізаваць плянэты Гаі ды пераўтвараць трансвымерныя плянэты ў плянэты Гаі.
Усе фракцыі могуць паляпшаць свае ўменьні ў шасьці розных галінах разьвіцьця — тэрафармаваньні, навігацыі, штучным інтэлекце, гаяфармаваньні, эканоміцы, дасьледаваньні — што дае прасунутыя тэхналёгіі і спэцыяльныя бонусы. Дзеля дасягненьня гэтага кожная фракцыя мае спэцыяльныя ўменьні і здольнасьці.
Колькасць гульцоў: 1 - 4
Працягласць гульні: 58 mn
Складанасць: 4 / 5
Згуляйце ў Gaia Project і 1250 іншых гульняў онлайн.
Без запампоўкі, проста з вашага браўзэра.
З вашымі сябрамі і тысячамі гульцоў з усяго свету.
Гуляйце бясплатна.
Згуляйце ў Gaia Project і 1250 іншых гульняў онлайн.
Без запампоўкі, проста з вашага браўзэра.
З вашымі сябрамі і тысячамі гульцоў з усяго свету.
Гуляйце бясплатна.
Кароткія правілы
Фракцыі
| Фракцыя | Тып плянэты | Здольнасьць | Плянэтны інстытут | Пачатковае дасьледаваньне | Пачатковы прыбытак |
|---|---|---|---|---|---|
| Тэране | Тэра | У фазе Гаі перанясіце жэтоны энэргіі з зоны Гаі ў сваю 2-ю зону энэргетычнага цыклю замест 1-й зоны. | У фазе Гаі, пераносячы жэтоны энэргіі з зоны Гаі ў сваю 2-ю зону энэргетычнага цыклю, можаце атрымаць рэсурсы, як быццам вы аплацілі столькі ж энэргіі на выкананьне вольных дзеяньняў. | Праект Гая | 1 веды, 1 руда |
| Лянтыды | Тэра | Выконваючы дзеяньне „Пабудаваць шахту“, можаце збудаваць яе на плянэце, калянізаванай супернікам (нават на Страчанай плянэце). Пастаўце сваю шахту побач з будынкам суперніка. Ня мусіце аплачваць тэрафармацыю, але аплаціце кошт будаўніцтва шахты. Такая шахта лічыцца звычайнай ва ўсіх выпадках, акрамя такіх: яе нельга палепшыць, і яна ня ўлічваецца ў тых эфэктах, дзе трэба падлічыць колькасьць тыпаў плянэтаў ці плянэтаў Гаі, калянізаваных вамі. | Будуючы шахту на калянізаванай супернікамі плянэце, атрымліваеце дзьве веды. | Няма | 1 веды, 1 руда |
| Ксэнасы | Пустыня | Пасьля таго, як выстаўленыя ўсе пачатковыя шахты, выстаўляеце трэцюю. | Можаце ўтвараць фэдэрацыі з агульнай моцай шэсьць замест сямі. Замест аднаго жэтону энэргіі атрымліваеце ў якасьці даходу адну ККІ. | Штучны інтэлект | 1 веды, 1 руда |
| Гліны | Пустыня | Калі вы заробіце ККІ, замест ах атрымліваеце такую самую колькасьць руды; пасьля паляпшэньня да пазначанай акадэміі гэты эфэкт перастае дзеяць. Каб зрабіць плянэту Гаі заселенай, плаціце адну руду замест адной ККІ. За будаўніцтва шахты на плянэце Гаі атрымліваеце два дадатковыя ПП. | Паляпшаючы да плянэтнага інстытуту, адразу атрымліваеце жэтон Глінскай фэдэрацыі (паказаныя рэсурсы атрымліваеце як звычайна). Атрыманьне гэтага жэтону тоеснае ўтварэньню фэдэрацыі. Плянэтны інстытут таксама можа уваходзіць у склад фэдэрацыі на дошцы. | Навігацыя | 1 веды, 1 руда |
| Таклёны | Балота | Квантавы інтэлект лічыцца за адзін жэтон энэргіі (пры пачатку праекту Гаі, будаўніцтве спадарожнікаў і да т. п.), але вы можаце аплаціць ім як трыма энэргіямі. | Кожны раз, зараджаючы энэргію „Пасіўным дзеяньнем: Зарадзіць энэргію“, атрымліваеце адзін жэтон энэргіі. Можаце выбраць, атрымаць энэргію перад ці пасьля зарадкі. | Няма | 1 веды, 1 руда |
| Амбы | Балота | Няма | Адзін раз на кола можаце замест дзеяньня памяняць свой плянэтны інстытут на адну з сваіх шахтаў на дошцы (гэта можа дапамагчы ўтварыць новую фэдэрацыю). На існыя фэдэрацыі гэта не ўплывае, нават калі іхняе значэньне сілы становіцца меншым за сем. Абмен ня лічыцца ані будаўніцтвам, ані паляпшэньнем; за гэта не атрымліваеце ані ПП, ані энэргіі. | Навігацыя | 1 веды, 2 руды |
| Гадш Галы | Аксыд | Няма | У вольных дзеяньнях, якія дазваляюць вам атрымліваць рэсурсы, можаце разьлічвацца грашыма замест энэргіі. Прыклад: можаце аплаціць 3 крэдыты і выканаць вольнае дзеяньне, каб атрымаць адну руду. | Эканоміка | 1 веды, 1 руда, 3 крэдыты |
| Івіты | Аксыд | Падчас расстаноўкі ня ставіце шахты. Пасьля таго, як усе паставяць свае шахты (у тым ліку трэцяя шахта Ксэнасаў), пабудуйце на любой чырвонай плянэце плянэтны інстытут. Можаце мець толькі адну фэдэрацыю, але кожнага разу, калі сіла вашай фэдэрацыі становіцца кратнай 7, можаце зноўку ўзяць дзеяньне „Ўтварыць фэдэрацыю“. Ствараючы спадарожнікі, замест жэтонаў энэргіі мусіце скінуць ККІ. | Як спэцыяльнае дзеяньне, разьмясьціце ў даступнай прасторы, дзе няма ані плянэты, ані іншай касьмічнай станцыі, сваю касьмічную станцыю. Даступнасьць прасторы разьлічваецца паводле тых самых правілаў, што і „Пабудаваць шахту“. | Няма | 1 веды, 1 руда, 1 ККІ |
| Геадэнцы | Вульканічная | Няма | Калі першы раз будуеце шахту на новым тыпе плянэты, атрымліваеце 3 веды (аднак калі вы калянізавалі плянэты раней, чым палепшылі да плянэтнага інстытуту, то не атрымліваеце ведаў). | Тэрафармацыя | 1 веды, 1 руда |
| Бал Такі | Вульканічная | Ня можаце прасоўвацца ў дасьледаваньні „Навігацыі“, нават калі выбіраеце плітку тэхналёгіі пад дасьледніцкай зонай „Навігацыя“. Беручы такую плітку тэхналёгіі, не здабудзеце прасоўваньня. У якасьці вольнага дзеяньня можаце перамясьціць Гаяформэра з прасторы Гаяформэра ў зону Гаі на дошцы сваёй фракцыі і атрымаць адну ККІ. Гаяформэры ў вашай зоне Гаі недаступныя да наступнай фазы Гаі. У наступнай фазе Гаі перамясьціце ўсіх Гаяформэраў са сваёй зоны Гаі назад у прастору Гаі. | Цяпер можаце прасоўвацца ў дасьледаваньні „Навігацыі“. | Праект Гаі | 1 веды, 1 руда |
| Фіракі | Тытан | Няма | У якасьці дзеяньня можаце „панізіць“ дасьледніцкую лябараторыю да гандлёвай станцыі і адразу прасунуцца на адзін узровень дасьледніцкай зоны на выбар. Гэта лічыцца дзеяньнем „Паляпшэньне да гандлёвай станцыі“. Пазьней можаце палепшыць гандлёвую станцыю да дасьледніцкай лябараторыі паводле звычайных правілаў (у тым ліку з атрыманьнем новай пліткі тэхналёгіі). | Няма | 2 веды, 1 руда |
| Бэскоды | Тытан | На дошцы вашай фракцыі мяняюцца месцамі пазыцыі плянэтнага інстытуту і акадэмій, а таксама прыбыткі ад гандлёвых станцыяў і дасьледніцкіх лябараторый. Як і ў іншых фракцыях, паляпшэньне да акадэміі ці дасьледніцкай лябараторыі дазваляе атрымаць плітку тэхналёгіі. Адзін раз на кола ў якасьці дзеяньня можаце прасунуць ваш найніжэйшы жэтон у дасьледніцкай зоне (не аплачваючы веды). Калі некалькі вашых жэтонаў на аднолькава ніжэйшым узроўні, выбіраеце адзін зь іх. Каб такім чынам прасунуць да 5-га ўзроўню, мусіце перакуліць жэтон фэдэрацыі, як звычайна. Памятайце: толькі адзін гулец можа дасягнуць 5-га ўзроўню кожнай дасьледніцкай зоны. | Значэньне сілы вашых збудаваньняў на шэрых плянэтах (вашага тыпу) павялічваецца на адзін (у дадатак да любых іншых эфэктаў, якія павялічваюць іхняе значэньне сілы). | Няма | 1 руда |
| Нэўласы | Лёд | Як вольнае дзеяньне можаце перамясьціць адзін жэтон энэргіі з 3-й зоны вашага энэргетычнага цыклю ў сваю зону Гаі, каб атрымаць 1 веды (гэтыя жэтоны энэргіі маюць звычайныя правілы фазы Гаі). Гэта ня лічыцца выдаткоўваньнем энэргіі. | Можаце разьлічвацца жэтонамі энэргіі з сваёй 3-й зоны энэргетычнага цыклю па падвойнай вартасьці. У іншых выпадках яны вартыя аднае энэргіі (пры пачатку праекту Гаі, будаўніцтве спадарожнікаў і да т. п.). Калі вы аплачваеце двайнымі жэтонамі дзеяньне зь няцотнай цаной (1, 3, 5 і да т. п.), нявыкарыстаная энэргія прападае. | Навука | 1 веды, 1 руда |
| Ітары | Лёд | Кожнага разу, скідаючы жэтон энэргіі з 2-й зоны вашага энэргетычнага цыклю, каб перанесьці іншы жэтон у 3-ю зону, не вяртаеце скінуты жэтон у каробку, а кладзеце яго ў сваю зону Гаі. | Падчас фазы Гаі можаце скінуць 4 жэтоны энэргіі з зоны Гаі, каб атрымаць плітку тэхналёгіі (стандартную ці прасунутую). | Няма | 1 веды, 1 руда, 1 энэргія ў 1-й фазе |
Варта запомніць
- Пачатковыя рэсурсы (перад атрыманьнем даходу ў пачатку 1-га кола) — 15 крэдытаў, 4 руды, 3 ведаў
- Ліміты захоўваньня рэсурсаў — 30 крэдытаў, 15 руды, 15 ведаў
- Парадак фазаў у коле: 1. Прыбытак, 2. Гая (перамясьціце ўсе жэтоны энэргіі з Гаі ў зону/місу 1), 3. Дзеяньні.
Дзеяньні
- Збудаваць шахту — дазваляе разьмясьціць на дошцы шахту, што павялічвае ваш даход руды. Шахты маюць быць не далей ад іншых вашых плянэтаў, чым дазваляе ваш узровень навігацыі (другая сьцежка тэхналёгіяў зьлева). Аплаціце кошт будаўніцтва. Калі гэта плянэта Гаі (зялёная без гаяформэраў), мусіце дадаткова заплаціць адну ККІ. Калі гэта іншы тып плянэты, мусіце заплаціць дадатковую руду — дакладны кошт вызначаецца вашаю здольнасьцю тэрафармаваньня (першая сьцежка тэхналёгіяў зьлева) і лікам этапаў тэрафармаваньня, патрэбных для пераўтварэньня плянэты ў прыдатную для вашай расы.
- Распачаць праект Гаі — дазваляе вам пераўтварыць трансвымерныя плянэты (фіялетавыя) ў плянэты Гаі. Для выкананьня дзеяньня мусіце мець свабоднага гаяформэра, якога атрымліваеце пры прасоўваньні па сьцежцы праекту Гаі (чацьвертая сьцежка тэхналёгіяў зьлева). Для пачатку праекту перамясьціце жэтоны энэргіі ў зону Гаі свайго пляншэту. Гэтая энэргія ня страчваецца — на апошнім этапе фазы прыбытку яна вяртаецца да вас. У пачатку наступнага кола плянэты, на якіх працаваў гаяформэр, становяцца плянэтамі Гаі, і на іх можна будаваць шахты (без патрэбы выдаткоўваць ККІ, як гэта звычайна робіцца на плянэтах Гаі). Гаяформэр не здымаецца з плянэты (вяртаючыся на ваш пляншэт), пакуль вы не пабудуеце шахту (такім чынам вы „бранюеце“ плянэту для сябе).
- Палепшыць збудаваньне — шахты можна паляпшаць да гандлёвых станцыяў, якія вырабляюць крэдыты. Пры гэтым, калі шахта ляжыць не далей як за два палі ад будоўлі суперніка, паляпшэньне адбудзецца таньней. Гандлёвыя станцыі можна паляпшаць альбо да Плянэтных інстытутаў (яны вырабляюць энэргію і адкрываюць спэцыфічныя здольнасьці вашай расы), альбо да Навуковых лябараторыяў (яны вырабляюць веды, дазваляюць атрымаць пліткі тэхналёгій і прасунуцца па адной са сьцежак тэхналёгій). Навуковыя лябараторыі можна палепшыць да Акадэміяў, якія таксама даюць тэхналёгіі і вырабляюць ці веды, ці ККІ (у некаторых расаў могуць вырабляць іншыя рэсурсы).
- Утварыць фэдэрацыю — дазваляе вам злучыць збудаваньні, каб зарабіць болей пунктаў. Для гэтага вам трэба сабраць комплекс збудаваньняў агульнай сілай 7 ці болей. Сюды могуць уваходзіць і пустыя палі, але на кожнай такой пустэчы мусіце паставіць спадарожнік, варты 1 энэргіі. За ўтварэньне фэдэрацыі вы атрымліваеце жэтон фэдэрацыі, які дае пункты перамогі, бонус рэсурсаў і пазьней можа быць выдаткаваны на дасягненьне найвышэйшай пазыцыі ў сьцежцы дасьледаваньняў ці атрыманьне прасунутых плітак тэхналёгій.
- Дасьледаваць — заплаціце 4 веды за прасоўваньне па адной сьцежцы на выбар:
- Тэрафармацыя, якая паляпшае вашую здольнасьць да тэрафармацыі плянэтаў;
- Навігацыя, якая павялічвае дыстанцыю, на якой вы можаце будаваць;
- Штучны інтэлект, які прыносіць вам болей ККІ;
- Праект Гаі, які дазваляе вам пачынаць праекты Гаі на трансвымерных плянэтах;
- Эканоміка, якая павялічвае ваш даход руды, крэдытаў, энэргіі;
- Навука, якая павялічвае ваш даход ведаў.
- Дзеяньні энэргіі і ККІ — заплаціце энэргіяй ці ККІ, каб выканаць дзеяньні зь нізу дошкі дасьледаваньняў. Кожнае дзеяньне можна выканаць толькі адзін раз на кола.
- Спэцыяльныя дзеяньні — любыя дзеяньні, надрукаваныя на плітках паскарэньня ці дошцы вашай расы. Кожнае дзеяньне можна выканаць толькі адзін раз на кола.
- Пас — вазьміце новую плітку паскарэньня. Чакайце, пакуль не спасуюць усе гульцы.
- Вольныя дзеяньні — абмен рэсурсаў (ці спальваньне энэргіі на перамяшчэньне той самай колькасьці энэргіі з 2-й у 3-ю зону).
- Пасіўнае дзеяньне — зарадка энэргіі. У залежнасьці ад колькасьці зараджанай энэргіі можа спатрэбіцца разьлічыцца пунктамі перамогі. Зарадка не абавязковая.
Аўкцыёны па выбары фракцыяў
Кожны гулец пазначае максымальны лік, які гатовы аддаць за кожную з фракцыяў. Па сканчэньні ставак пачынаецца аўтаматычны аўкцыён, дзе па коле ўсе ўдзельнікі гандлююцца, пакуль не дасягаюць сваёй максымальнай стаўкі. Пры гэтым кожны гулец аўтаматычна ставіць на фракцыю з найбольшай розьніцай між цяперашняй стаўкай на фракцыю і максымальна магчымай стаўкай гульца.
ТЫповы аўтаматычны аўкцыён можа выглядаць як быццам патаемны.
- Першы гулец ставіць 0 ПП на фракцыю, дзе зрабіў найбольшую з сваіх ставак (т. б. на найбольш пажаданую фракцыю);
- Калі другі гулец паставіў на дзьве розныя фракцыі аднолькавыя стаўкі, тады ён аўтаматычна ставіць нуль на фракцыю, якую пакуль ніхто ня выбраў. Калі ён паставіў вышэйшую стаўку на тую ж фракцыю, што і першы гулец, тады замест гэтага ён перабівае стаўку на 1 ПП;
- Трэці гулец глядзіць на адкрытыя стаўкі і параўноўвае іх з сваёй максымальнай. Ён аўтаматычна перабівае на адзін пункт стаўку на фракцыю з найбольшай розьніцай між цяперашняй стаўкай і сваёй максымальнай.
Усё гэта робіцца аўтаматычна і хутка па-за экранам. Здараецца, што гульцы могуць атрымаць сваю фракцыю задарма, калі на яе больш ніхто не паставіў.
Пасьля аўкцыёну ўсім гульцам налічваюцца ПП так, каб кожны зь іх меў ня меней за 10 (т. б. 10 ПП мецьме гулец, які выйграў найдаражэйшы аўкцыён).
Вось прыклад пратаколу аўкцыёну ў гульні на траіх:
In summary:
PLAYER_A wins IVITS for 11, their maximum bid was 27 for IVITS,
PLAYER_B wins AMBAS for 6, their maximum bid was 10 for IVITS, 8 for AMBAS.
PLAYER_C wins TERRANS for 0, their maximum bid was16 for IVITS, 12 for AMBAS, 6 for TERRANS.
some notable example lines from the log are:
**PLAYER_B switches from [IVITS] to [AMBAS] when the bid reaches 3 on IVITS, because 9>7 : AMBAS:8--1= 9 > IVITS:10-3=7.
explanation: AMBAS: 8(PlayerB max bid for Ambas) - -1(current bid for Ambas) = 9 > IVITS: 10(PlayerB max bid for Ivits) - 3 (current bid for Ivits) =11
++PLAYER_C switches from [IVITS] to [AMBAS] when the bid reaches 5 on IVITS, because 12>11 : AMBAS:12-0=12 > IVITS:16-5=11.
explanation: AMBAS: 12(PlayerC max bid for Ambas) - 0(current bid for Ambas) = 12 > IVITS: 16(PlayerC max bid for Ivits) - 5 (current bid for Ivits) =11
Actual Log:
Players will automatically bid on the faction with the greatest gap between its current bid and the player's maximum bid
PLAYER_A bids 0 on [IVITS] (and is willing to bid up to 27 if needed)
PLAYER_B bids 1 on [IVITS], outbidding PLAYER_A. (The bid was 10 away from PLAYER_B's max bid of 10.)
PLAYER_C bids 2 on [IVITS], outbidding PLAYER_B. (The bid was 15 away from PLAYER_C's max bid of 16.)
PLAYER_A bids 3 on [IVITS], outbidding PLAYER_C. (The bid was 25 away from PLAYER_A's max bid of 27.)
**PLAYER_B bids 0 on [AMBAS] (and is willing to bid up to 8 if needed)
PLAYER_C bids 4 on [IVITS], outbidding PLAYER_A. (The bid was 13 away from PLAYER_C's max bid of 16.)
PLAYER_A bids 5 on [IVITS], outbidding PLAYER_C. (The bid was 23 away from PLAYER_A's max bid of 27.)
++PLAYER_C bids 1 on [AMBAS], outbidding PLAYER_B. (The bid was 12 away from PLAYER_C's max bid of 12.)
PLAYER_B bids 2 on [AMBAS], outbidding PLAYER_C. (The bid was 7 away from PLAYER_B's max bid of 8.)
PLAYER_C bids 6 on [IVITS], outbidding PLAYER_A. (The bid was 11 away from PLAYER_C's max bid of 16.)
PLAYER_A bids 7 on [IVITS], outbidding PLAYER_C. (The bid was 21 away from PLAYER_A's max bid of 27.)
PLAYER_C bids 3 on [AMBAS], outbidding PLAYER_B. (The bid was 10 away from PLAYER_C's max bid of 12.)
PLAYER_B bids 4 on [AMBAS], outbidding PLAYER_C. (The bid was 5 away from PLAYER_B's max bid of 8.)
PLAYER_C bids 8 on [IVITS], outbidding PLAYER_A. (The bid was 9 away from PLAYER_C's max bid of 16.)
PLAYER_A bids 9 on [IVITS], outbidding PLAYER_C. (The bid was 19 away from PLAYER_A's max bid of 27.)
PLAYER_C bids 5 on [AMBAS], outbidding PLAYER_B. (The bid was 8 away from PLAYER_C's max bid of 12.)
PLAYER_B bids 6 on [AMBAS], outbidding PLAYER_C. (The bid was 3 away from PLAYER_B's max bid of 8.)
PLAYER_C bids 10 on [IVITS], outbidding PLAYER_A. (The bid was 7 away from PLAYER_C's max bid of 16.)
PLAYER_A bids 11 on [IVITS], outbidding PLAYER_C. (The bid was 17 away from PLAYER_A's max bid of 27.)
PLAYER_C bids 0 on [TERRANS] (and is willing to bid up to 6 if needed)
PLAYER_A wins the auction for [IVITS], spending [VP11]
PLAYER_C wins the auction for [TERRANS], spending [VP0]
PLAYER_B wins the auction for [AMBAS], spending [VP6]
All players receive [VP11] to ensure every player starts with at least 10 VP