Вы разам зь сябрамі паспрачаліся: хто за сем дзён пасьпее зладзіць найлепшае падарожжа па Канадзе. Пакуйце заплечнік — прыгоды пачынаюцца!

У „Квадраце Канадзе“ вы будзеце наведваць славутасьці, памнажаючы лікі двух з жэтонаў, якія выцягнеце з заплечніка. Вандруючы, вы будзеце паляпшаць свой заплечнік і зарабляць трафэі за наведваньне славутасьцяў аднаго колеру. Бонусы таксама надаюцца на наведваньні суседніх славутасьцей.

Перамагае гулец з найбольшай колькасьцю заробленых пунктаў пасьля 7 дзён (колаў)!

Як зарабляць пункты?

Пяць спосабаў

• Наведваньне славутасьцей дае ад 2 да 5 пунктаў;
• Таксі дае ад 0 да 3 пунктаў;
• Зьнятыя цягнікі даюць 1 пункт;
• Кожны сабраны самалёт дае 0,5 пункта;
• Трафэі даюць ад 2 да 3 пунктаў.

Ход гульца

Ход скаладаецца з чатырох фазаў.

1-я фаза: Замена карты падарожжа

Першым дзеяньнем у сваім ходзе можаце скінуць адну з чатырох картаў падарожжа з цэнтру. Дзеяньне неабавязковае.

2-я фаза: Новае падарожжа

На сваім ходзе можа наведаць толькі адну з гэтых славутасьцей:

1. Адну з 4 славутасьцей па цэнтры стала;
2. Славутасьць зь верху скіду;
3. Зарэзэрваную славутасьць (глядзіце „Рэзэрвацыя славутасьці“).

Дзеля гэтага мусіце атрымаць адзін з чатырох лікаў у рамцы, напісаных на карце славутасьці, памножыўшы 2 жэтоны з вашай гульнявой зоны.

Калі на сваім ходзе вы ня можаце наведаць славутасьць, абвядзіце наступнае таксі на сваёй дошцы таксі.

Кожны гулец можа наведаць адную і тую ж правінцыю ці тэрыторыю толькі аднойчы.

Бонус шляху

Калі наведаная вамі славутасьць даступная па шляху (пункцірнымі рыскамі) з аднае ці дзьвюх іншых ужо наведаных вамі славутасьцяў, то вы атрымліваеце бонус шляху за кожнае новае злучэньне.

Напрыклад, калі вы ўжо наведалі Альбэрту і Манітобу, дык наведваючы Саскачэван, можаце ўзяць 2 бонусы шляху. Пазьней, калі наведаеце Антарыё, атрымаеце яшчэ адзін бонус шляху.

Бонусы шляху дазваляюць вам выбраць цягнік ці новае таксі.

Каляровы бонус

Калі вы наведваеце славутасьць таго ж колеру, што й раней наведаныя, то атрымліваеце з запасу чорны самалёт, які кладзецца ў ваш скід.

Напрыклад, калі вы наведваеце Новы Брансўік (фіялетавы), а раней ужо наведвалі Нунавут (фіялетавы), то заробіце чорны самалёт.

За наведваньне аднае славутасьці можна здабыць некалькі бонусаў.

Самалёты

Самалёт (каляровы ці чорны) можна выкарыстаць так сама, як іншыя лічбавыя жэтоны, але ягонае значэньне можа быць люьым ад 1 да 12. Вы самі выбіраеце патрэбнае вам значэньне.

Колькасьць самалётаў у рэзэрве абмежаваная. Калі гульцы разьбяруць усе самалёты, да канца гульні скарыстацца каляровым бонусам больш не атрымаецца.

Цягнікі

Атрымаўшы цягніка, можаце зьняць адну фішку цягніка са сваёй дошкі. Да канца гульні, выцягваючы жэтоны з заплечніка, вы будзеце класьці на адкрытае месца дадатковы жэтон. У канцы гульні кожны цягнік варты 1 пункту.

Заўвага: кожны гулец за гульню можа ўзяць толькі два бонусы-цягнікі.

Таксі

Як атрымаць

На першы дзень падарожжа ўсе гульцы атрымліваюць сваё першае таксі. Іншы спосаб зарабіць таксі — атрымаць бонус шляху.

Калі вы атрымліваеце таксі, то ў гульні гэта адлюстроўваецца абвядзеньнем наступнага колка таксі на вашай дошцы.

Як выкарыстаць

Наведваючы славутасьць, можаце скарыстацца адным ці некалькімі таксі, каб зьмяніць здабытак множаньня.

Напрыклад, з жэтонамі 3 іd 4 (здабытак = 12) можаце даезаць да славутасьці, якая патрабуе ліку 14.

Каб скарыстацца таксі, пакладзіце X на бонус таксі, які хочаце выкарыстаць.

Таксі можна карыстацца адразу, калі яго атрымліваеце, альбо ў наступных колах. За адзін ход можна выкарыстаць адразу некалькі таксі.

Кожнае поле вартае 1 ці 2 пункты, карыстайцеся таксі слушна!

У канцы гульні вы не атрымаеце бонусаў за нявыкарыстаныя таксі, але атрымаеце за іх пункты.

Трафэі

Першы гулец, які наведае ўсе славутасьці аднаго колеру, атрымае ўзнагароду гэтага колеру. Першы гулец, які наведае славутасьці усіх 4 розных колераў, атрымае рознакаляровую ўзнагароду. Каляровыя трафэі ў канцы гульні даюць 2 пункты, шматкаляровы — 3 пункты.

3-я фаза: Рэзэрвацыя славутасьці

Можаце выбраць АДЗІН з гэтых маршрутаў:

1. Адзін з 4 маршрутаў пасярод стала;
2. Маршрут зь верху тальлі скіду.

Выбраную карту пакладзіце ў сваю зону рэзэрвы.

У зоне рэзэрвы можна пакласьці толькі адну карту. Калі вы ўзялі новую карту, старую адкладзіце ў скід.

На сваім ходзе можна зарэзэрваваць толькі адзін маршрут.

4-я фаза: Адпачынак

Можаце скінуць свае жэтоны руху ў зону скіду, а можаце пакінуць.

Калі апошні гулец скончыў свой ход, пачынаецца новы дзень

Канец гульні

Гульня сканчаецца пасьля 7-га дня.