Структура ходу

Кожнае кола ў гульні адпавядае аднаму пакаленьню калянізацыі і землеўтварэньня Марса. У пачатку кожнага кола жэтон першага гульца перадаецца па коле. У кожным пакаленьні гульцы на сваім ходзе выконваюць такія дзеяньні:

1. Дасьледаваньне: узяць 4 карты. Выберыце патрэбныя на руку, аплаціўшы па 3 М€ за кожную, рэшту скіньце. Абмежаваньня паводле колькасьці картаў на руках няма
2. Дзеяньні: выканайце 1—2 дзеяньні зь ніжэйшага сьпісу. Гэтая фаза працягваецца па чарзе, пакуль усе гульцы не прапусьцяць хады.
• Згуляць карту з рукі.
• Зьдзейсьніць стандартны праект.
• Абвясьціць дасягненьне.
• Зафундаваць узнагароду.
• Выканаць дзеяньне сіняй карты (аднойчы на пакаленьне).
• Выкарыстаць 8 расьлінаў дзеля разьмяшчэньня зялёнай пліткі (падвышае ўзровень тлену і ваш рэйтынг землеўтварэньня — далей РЗ).
• Выкарыстаць 8 цеплыні дзеля павелічэньня тэмпэратуры на 1° (падвышае ваш РЗ).
• Прапусьціць ход. У гэтым разе больш ня зможаце выконваць дзеяньні да канца пакаленьня. Калі ўсе гульцы прапусьцяць хады, кола сканчаецца.
3. Вытворчасьць: нявыкарыстаная энэргія пераўтвараецца ў цеплыню. Усе гульцы атрымліваюць рэсурсы ў залежнасьці ад узроўню сваёй вытворчасьці, зарабляюць М€ на аснове свайго РЗ + значэньня заробку М€.

Гульнявыя карты

Каб згуляць карту з рукі, трэба аплаціць ейны кошт у М€ (іншыя карты могуць паўплываць на зьмяншэньне кошту). У асобных выпадках замест М€ можна разьлічвацца рэсурсамі.

• 1 сталь = 2 М€ пры аплаце за любую будаўнічую карту (з карычневым цэтлікам будынку)
• 1 тытан = 3 М€ пры аплаце за любую касьмічную карту (з цэтлікам сонечнага сьвятла)

Некаторыя карты маюць патрабаваньні, без выкананьня якіх немагчыма іх згуляць:

• Глябальныя парамэтры (пэўны лік акіянаў, узровень тлену ці тэмпэратуры)
• Лік згуляных цэтлікаў пэўнага тыпу. Цэтлікі бачныя на вашай дошцы па-над згулянымі картамі (BGA сама падлічвае іхнюю колькасьць)
• Здольнасьць вырабляць пэўны рэсурс (напрыклад, тытан).

Аплаціўшы кошт, гулец атрымліваеце ўсе карысьці і выконвае эфэкты карты (напр, атрымаць рэсурсы, павялічыць/паменшыць узровень вытворчасьці). Калі ўзровень вытворчасьці намаляваны з чырвонай рамкай (звычайна гэта адмоўны эфэкт), то можна яго выкарыстаць на любога іншага гульца.

Згуляныя карты складаюцца ў адну з трох сэкцыяў вашай дошкі (іхняе разьмяшчэньне можна зьмяніць, націснуўшы абразок „тры рыскі“).

• Чырвоныя карты выконваюцца аднаразова. Цэтлікі на іх ня ўлічваюцца, таму яны аўтаматычны хаваюцца; аднак у канцы гульні могуць даваць пункты перамогі (ПП).
• Зялёныя карты выконваюцца аднаразова, аднак іхнія цэтлікі ўлічваюцца на вашым стале (гэта можа дапамагчы згуляць іншыя карты) і могуць даваць ПП.
• Сінія карты маюць ці сталы пасіўны эфэкт, ці дазваляюць выканаць дзеяньне адзін раз у кожным пакаленьні.

Стандартныя праекты

Стандартныя праекты можна выканаць у якасьці дзеяньня ў любы момант свайго ходу. Большасьць зь іх дазваляе разьмясьціць на Марсе пліткі. Калі плітка разьмяшчаецца на шасьцікутніку з абразком рэсурсу, гулец атрымлівае гэтыя рэсурсы. За кожную плітку, пастаўленую побач з акіянам, дадаткова атрымлівае 2 М€.

Таксама замест аплаты М€ можаце выдаткаваць цеплыню на падвышэньне тэмпэратуры ці расьліны на падвышэньне ўзроўню тлену.

Дасягненьні і ўзнагароды

Дасягненьні і ўзнагароды — віды спаборніцтваў у Землеўтварэньні Марса. Першы гулец, які выканае ўмовы дасягненьня, абвяшчае яго і атрымлівае бонус. Узнагароды ўручаюцца ў канцы гульні.

Каб абвясьціць узнагароду, трэба заплаціць 8 М€. Кожнае дасягненьне вартае 5 ПП, іх можна абвясьціць ня болей за 3.

Узнагароды таксама можа быць ня болей за тры. Каб зафундаваць першую, трэба аплаціць 8 М€, другую — 14 М€, і трэцюю — 20 М€. Пры ўручэньні BGA правярае ўсе зафундаваныя ўзнагароды і выдае ПП за першае і другое месцы. Гулец, які фундаваў узнагароду, не абавязкова становіцца ейным пераможцам.

Канец гульні і падлік

Калі ўзровень тлену дасягне 14%, на Марсе зьявяцца 9 акіянаў і тэмпэратура дасягне 8˚C, надыходзіць канец гульні. Усе гульцы дагульваюць свае хады, пасьля фазы вытворчасьці маюць яшчэ магчымасьць абмяняць назьбіраныя рэсурсы расьлінаў на пліткі лесу на Марсе.

У выпадку роўнасьці перамагае гулец з найбольшай колькасьцю М€.

Варыянты

Сола

Дзеля перамогі мусіце дасягнуць максымуму ўсіх трох глябальных парамэтраў (тэмпэратура, акіяны і ўзровень тлену).

• Заўсёды выкарыстоўваецца варыянт Карпаратыўнай эры (гульня з усімі картамі Карпаратыўнай эры).
• Перад пачаткам гульні на мапе выкладаюцца 2 нэўтральныя гарады з прылеглымі лясамі. Гэтыя лясы не ўплываюць на ўзровень тлену.
• Пачатковы рэйтынг землеўтварэньня — 14 замест 20. Вы ня маеце вытворчасьці рэсурсаў.
• Прэміі і ўзнагароды не выкарыстоўваюцца.
• Можаце выкрадаць рэсурсы ці зьмяншаць вытворчасьці у нэўтральнага суперніка.
• Гульня сканчаецца пасьля 14 пакаленьняў (колаў), незалежна ад дасягненьня максымальных значэньняў глябальных парамэтраў.

Опцыі

• Draft Enabled: Cards are drafted among all players during the Research phase instead of bought.
• Beginner Corporations: Beginner Corporations start with 42 M€ and receive 10 cards without needing to spend money. (Recommended for beginner players only)
• Corporate Era: Choose a corporation card at the beginning. Each gives a different benefit. All productions start at 0.
• Prelude Expansion: Includes Prelude cards (player chooses 2 out of 4), extra project cards, and extra corporations.
• Colonies Expansion: Includes Colony tiles with fleets, extra project cards, and extra corporations.
• Map
  • Tharsis: Base map, focuses on urban development and oxygen production
  • Elysium: Large ocean area and unique placement bonuses
  • Hellas: Depicts the south pole and relies on heat and water
  • Vastitas Borealis: Features frozen carbon dioxide that can increase temperature
  • Amazonis Planitia: Large map designed for 4-5 players with higher Milestone requirements
• Realtime Scoring: Player's scores are shown during the game.
• Multi-step undo support (Experimental): Allows player to undo actions one-by-one, instead of restarting the Actions phase